Memleket basshysy Túrkııa Prezıdenti Rejep Taııp Erdoǵandy Qazaqstanǵa memlekettik sapary aıasynda «Qoja Ahmet Iаsaýı» ordenimen marapattady, dep habarlaıdy Egemen.kz.
Qasym-Jomart Toqaev Rejep Taııp Erdoǵandy óz halqyn alǵa bastap kele jatqan álemdik deńgeıdegi salıqaly basshy jáne saıasatker retinde erekshe qurmetteıtinin atap ótti.
«О́zińizdiń kóregen bastamańyzben qolǵa alynǵan tıimdi reformalardyń nátıjesinde Túrkııa turaqty ósip-órkendeý jolyna tústi, zor tabysqa jetti, yqpaldy jáne qýatty derjava atandy. Biz túrik aǵaıynǵa árdaıym tilekshimiz, baýyrlas eldiń ár jetistigine qýanamyz. Prezıdent Erdoǵan – jahandyq saıasatta ádildik pen jaýapkershilik qaǵıdatyn tabandy túrde qorǵap júrgen asa kórnekti qaıratker. Sizdiń «Álem besten úlken» atty tujyrymdamańyz barshaǵa belgili. Bul halyqaralyq qatynastar júıesindegi teńsizdikke qarsy aıtylǵan batyl úndeý ekeni sózsiz. Sonymen qatar Rejep myrza túrki jáne ıslam órkenıetiniń yntymaqtastyǵyn nyǵaıtý isinde aıryqsha ról atqaryp keledi. О́zińizdi túrki álemi moıyndaǵan bedeldi kóshbasshy desek, artyq bolmaıdy. Siz týystas elderdiń rýhanı jáne saıası tutastyǵyn bekemdeý jolynda aıanbaı eńbek etip júrsiz. Qadirli Rejep Taııp Erdoǵannyń tikeleı qoldaýynyń arqasynda Túrki memleketteri uıymy qysqa merzim ishinde yqpaldy qurylym retinde qalyptasty. Sondaı-aq TÚRKSOI, Túrki memleketteriniń Parlamenttik assambleıasy, Túrki akademııasy, Túrki mádenıeti jáne murasy qory, Túrki ınvestısııalyq qory sekildi mańyzdy ınstıtýttardyń jumysy jandana tústi. Biz muny joǵary baǵalaımyz,» dedi Qazaqstan Prezıdenti.
Memleket basshysy Túrkııa Prezıdentimen shaǵyn quramda kelissóz júrgizdi
Sondaı-aq Prezıdent Qazaqstan men Túrkııanyń arasynda san ǵasyrlyq tarıhı sabaqtastyq bar ekenine toqtaldy.
«Bizdiń tegimiz ben dinimiz – bir, dilimiz – uqsas. Qazaq pen túrik jurtynyń tereńnen tamyr tartatyn baýyrlastyǵy búginde strategııalyq seriktestikke ulasty. Siz dostyq qarym-qatynasymyzdy nyǵaıtýǵa, ortaq qundylyqtarymyzdy dáripteýge ólsheýsiz úles qosyp kelesiz. Sol úshin óz atymnan jáne barsha Qazaq eli atynan Sizge zor alǵys aıtamyn. Uly dala – túbi bir túrki halyqtarynyń atajurty, al, Túrkistan – onyń qasterli qazynasy, rýhanı astanasy. Kıeli shahar tutastyǵymyzdyń nyshany, tól órkenıetimizdiń altyn besigi sanalady. Sondyqtan biz erteń óz jumysyn bastaıtyn Túrki memleketteri uıymynyń beıresmı sammıtin Túrkistan tórinde ótkizýdi jón kórdik. Alqaly jıyn aǵaıyn elderdiń arasyn jaqyndatyp, yqpaldastyǵyn kúsheıte túsedi dep senemin», dedi Memleket basshysy.
«Qadirli baýyrym»: Toqaev Túrkııa Prezıdentimen kezdesýinen foto jarııalady
Rejep Taııp Erdoǵan Túrkistannyń piri Qoja Ahmet Iаsaýı atyndaǵy erekshe ordenniń alǵash ret ózine berilgenine qýanyshty ekenin jetkizdi
«Bul ordendi Túrkııa Respýblıkasy jáne túrik ultyna degen iltıpatyńyzdyń belgisi dep qabyldaımyn. Osy oraıda elderimiz arasyndaǵy baýyrlastyqty bekemdeý baǵytyndaǵy kóregen saıasatyńyz úshin Sizge, qurmetti baýyrym, alǵys aıtamyn. Baýyrlastyǵymyz, dostyǵymyz laıym máńgi bolsyn!» dedi Túrkııa Prezıdenti.